حوار بين ام وابنها طالب التوجيهي :

لأم: ليش طالع من غرفتك ليش ما عم تدرس؟؟؟ الابن: يا ماما هلا اطلعت!! الام: كيف هلا اطلعت صارلك ساعتين بتتمشى في البيت ؟؟ ادخل أدرس !! الابن : لا والله هلا اطلعت بس رحت على الحمام وبعدين رجعت .. وبدي اعرف شو طابخه ؟؟ الام : فوت أدرس ولما يجهز الغدا بناديك ...

يدخل الابن على الغرفه وبعد دقيقتين بطلع من الغرفه ..!! الام : لك شو مالك انضب في الغرفه فوت أدرس.. الابن : يا ماما درست كثير واطلعت أغير جو... الأم : طيب ماشي بدك تغير جو روح على الدكانه جيب علبه لبن بس من شاااااااان الله ما تطول بدي أحط الغدا عشان تتغدى وتفوت تدرس .

بطلع الابن وبكون لابس شحاطة امه وشورت وبلوزه خفيفه وشعره منكوش ولحيته طويله عشان كتير مشغول بالدراسه ومش فاضي يحلق !!! الابن بشتري علبة لبن وسيجارتين فرط من الدكان وبلاقي صحابه قاعدين عند الدكان وبقعد ساعه معهم يدخن ويحكو بكل الامور عدا الدراسه!!!

ولما يرجع على البيت بلاقي امه معصبه وبتستقبلو بكورس مشكل من البهادل : لك ببعتك على الدكان ابتقعد ساعه لك ما حتخلص التوجيهي غير لما اتخلص علي لك قصرتلي عمري بهالسنه والاكل برد وبدي تتغذى عشان ترجع تدرس .. الابن : يا ماما مالقيت في هاي الدكان فرحت على دكانة الحاره الثانيه ..!!! وبعد نقاش عنيف تقتنع الام ولما يمر من جنبها الام : تعا لهون ليش ريحتك دخان ؟؟؟ الابن : يا ماما كنت بالدكان وكل الي في الدكان كانو يدخنو !!!

بعد الغدا الام: يا ماما الله يرضى عليك قوم ادرس الابن بصوت عالي : وبعدين معك انا كل ما تشوفيني قاعد بتحكيلي قوم ادرس هلا مين التوجيهي انا ولا انتي يعني مصلحتي انا يعني انا بديــ ...!!! يقاطع كلام الابن بضربه صاروخيه من الام بشحاطه باتجاه الابن الذي يهرب بسرعه الى غرفته..
بعد ربع ساعه الام ابتعمل شاي وبتفوت على غرفته بتلاقيه قاعد بتأمل بالحيطان......

هاد المشهد فقط يتكرر يوميا بين الام وابنها طالب التوجهي مع اغلب الطلاب انا ما بقول كل الطلاب ولكن الاغلب هيك بصير معهم !!!! الام ابتحكي لأبنها كلمة ( أدرس) في اليوم الواحد خلال التوجيهي تقريبا 15 مره هاد اقل شي يعني كل ما اتشوفه سرحان او طالع من الغرفه او او ...
معناته كل فصل اربع شهور الفصلين مع الامتحانات ثمانية شهور بما ان الام ابتحكي لأبنها 15 مره كلمة أدرس كحد أدنى في اليوم ابتطلع الام حاكيه لأبنها طول سنة التوجيهي 3600 مره كلمة أدرس !!!!!!

لو نفرض انه الابن حفظ مقابل كل كلمة ادرس معلومه وحده من الدراسه راح يطلع عنده 3600 معلومه انا متأكد انه لو حفظ 3600 معلومه راح يجيب الاول على المملكة الاردنيةلكن الغريب انه الام بس يرسب ابنها ابتقعد تلطم وتقول: والله انه ابني درس ومنهم لله الوزاره رسبوه والتوجيهي حظ !!!!

خخخخخخخخخخخخخخخخخخخخخخخخخخ
حلوة منك
بس بالنسبة إلي بصير العكس، إمي بتحكيلي بيكفي دراسة وانا ما برضى
وكمان انا الحمد لله ما بدخن

موضوع: س الأحد يناير 25, 2009 4:45 am

والله بالنسبة لالي لو امي يصحلها تسكر علي الباب وما تخليني اطلع ما بتقصر لاني ما بعرف اقعد ساعة الا لازم اطلع اجننهم

اول اشي حكيك في منو بس حاسو جايبيتو من المتحف

تانيا الي بتحكي عن هيك ناس ما بيجو 40% من طلاب التوجيهي هاد الحكي كان زمان هسا الكل عم بدرس لأنو معدل أقل من80 شو بدك تدرس

أو أنو جامعه بدها تقبلك......... فا

شكرااااااااااااا

انا ولا مرة حكتلي ماما ادرسي عند امتحان الاسلامية حكيتلها سكري على الباب علشان ما اطلع يعني اضل ادرس
والله ما رضيت حكتلي اذا بدك تعالي اقعدي عنا درستي كتير مع العلم انه الا درستهن بيكونوا يا دوب ساعتين

انا بالنسبة الي ماحدا بحكيلي ادرس لاني ادرس من حالي

موضوع جميل

بس فعلا انا بلاقي الام بتخاف على ابنها اكتر من الاب وخصوصا في موضوع الدراسه دايما بلاقي الاب مش فارقه معو

ـههههههههههـ
حلو الموضوع ,,
الله يعينا ويعينهم ,,
يسلمو هالايدين ,,

موضوع جميل كأنه الأهل ما بيعرفوا انه كلمة ادرس اكثر كلمة بيكرهها طالب التوجيهي!!!!!!

]والله يا جماعة امي غير الكل بس تشوفني بدرس بتحكيلي خلص حبيبتي خدي بريك وانا اللي ما برضى
شايفين العز؟[/font] cheers

موضوع: س الثلاثاء يناير 27, 2009 11:17 am

شكرا على مروركم جميعا

حلو كتيير وضحكت من ئلبي واكيد ماما مو هيك

الموضوع حلو كتير يسلموووووووووووووووووووووووووووووووووو

حلووووووووووووووووووة كتيييييييييير
يسلموووووووووووووووووووووو

حلوة والله

بس لو انك كتبتي بدال الجمهورية السورية .. الاردن مثلا

بكون احسن Laughing

» تعريف طالب التوجيهي
» تعريف طالب التوجيهي العلمي
» الدنيا بعيون طالب توجيهي من خواطر طالب
» حوار جميل...
» حوار بين أفراد عائله أردنيـة>>>>>